HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

Anita Capaul maina la Chasa Editura Rumantscha chi exista fingià daspö desch ons (fotografia: CER).

Anita Capaul maina la Chasa Editura Rumantscha chi exista fingià daspö desch ons (fotografia: CER).

Passa 70 cudeschs e desch traducziuns

La Chasa Editura Rumantscha (CER) exista daspö l’on 2010 ed ha publichà infin uossa passa 70 cudeschs, cudeschs auditivs ed ebooks. Il böt da la CER es adüna stat da promouver la scena da litteratura rumantscha e da render quella plü visibla eir sur ils cunfins dal chantun Grischun.

La Chasa Editura Rumantscha (CER) s’ha etablida fich bain illa rait da las chasas edituras svizras e chüra il contact cun blers festivals litterars. Passa desch traducziuns d’ouvras rumantschas da la CER han pudü gnir realisadas fin uossa. La chasa editura spordscha eir servezzans professiunals d’ediziun e distribuziun ed ella ha adüna miss grond pais sülla chüra dal cuntegn. D’üna comunicaziun a las medias resulta, cha tuot ils texts vegnan lectorats cun premura, la creaziun sco eir la cumparsa dals cudeschs sun mincha jada concepids accuratamaing. Sper belletristica edischa la CER eir cudeschs per uffants e giuvenils. In üna seria vegnan edidas paravlas rumantschas in nouv vesti. Eir cudeschs da chanzuns, monografias d’art e diversas ediziuns da giubileums sun gnüdas publichadas cun success. Bundant la mità da las ediziuns cumparan biling e dafatta triling.

La structura da la chasa editura es simpla e consista da la manadra da gestiun Anita Capaul e da la collavuratura Karin Kohler-Pattis, oriunda da l’Engiadina Bassa. A la cumischiun per las ediziuns per creschüts fan part eir las duos romanistas engiadinaisas Annetta Ganzoni e Bettina Vital. Pel giubileum da desch ons da la CER vain lantschada ün’acziun da vendita dürant ils mais november e december per tuot las scoulas rumantschas. Al principi da november cumpara eir la terza part dal cudesch cun chanzuns rumantschas per uffants «La Grischa» cun 55 chanzuns in tuot ils idioms. Il cudesch cuntegna eir duos disc cumpacts cun tuot las chanzuns arrandschadas e chantadas da Corin Curschellas culs Fränzlis da Tschlin. La vernissascha dal cudesch es als 7 november, a las 12.00, illa Postremise a Cuoira.

Text: Comunicaziun CER


Noch keine Kommentare

1000/1000
  • Die Vecellio Legno SA
  • Pfister
  • Beschütze
  • Claluena
  • Einheimische Familie sucht
  • handmade is a tribute to the
  • Traditionelle Silvaplaner Hausmetzgete
  • Donatsch
  • Pontresina Wochentipp
  • Fanzun AG Architekten · Ingenieure · Berater
  • CAOTEC SA
  • K und M
  • CINEMA
  • THE LADIES AREBACK IN TOWN...
  • Geronimi
  • Gesucht in Allgemeinpraxis in Scuol
  • Volg Rezept
  • 3-Zimmer-Wohnung – Champfèr
  • Professionelle Lüftungsanlagen für das Restaurant M
  • Hoch und Tiefbau Seiler
  • Holzbauplanung/Ing.-Holzbau
  • Gian Peter Niggli
  • Zu verkaufen an Selbstbewirtschafter:
  • Merz AG
  • Cavegn
  • SAISONERÖFFNUNG IM LANGLAUFZENTRUM ST. MORITZ