HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

La prosma Festa da la racolta in Val Müstair ha lö pür dal 2021 (fotografia: Nicolo Bass).

La prosma Festa da la racolta in Val Müstair ha lö pür dal 2021 (fotografia: Nicolo Bass).

Ingüna Festa da la racolta in Val Müstair

La Festa da la racolta in Val Müstair attira minch’on fin vers 5000 visitadurs. Pervi da la situaziun cul nouv virus ha la prosma festa lö pür dal 2021. Ils organisaturs han nempe decis da sdir giò la festa da quist on.

D’incuort ha il comitè d’organisaziun (CO) stuvü decider da strichar la Festa da la racolta Val Müstair per l’on 2020. «La situaziun actuala cul virus da corona nu permetta d’organisar la festa cun cortegi e passa 70 stands da marchà», infuormeschan ils organisaturs in üna comunicaziun a la pressa. Quista festa cul grond cortegi attira in cas optimal fin a 5000 visitadurs da la regiun, da l’Engiadina ed eir aint dal Tirol dal süd. Ch’uschè nu saja pussibel dad avair glistas cun noms, da partir aint ils visitadurs in secturs da maximalmaing 300 persunas, da respettar las distanzas ed oter plü, scriva il comitè d’organisaziun: «I’s stuvess far üna saiv intuorn Valchava – e quai nu correspundess insomma na al stil da la festa simpatica in Val Müstair.» Perquai han ils organisaturs decis d’annular l’ediziun 2020. Ils commembers dal comitè s’allegran però fingià uossa pels 3 october 2021, il di da la prosma Festa da la racolta in Val Müstair, «lura in cumbinaziun cul giubileum da desch ons Parc da natüra Biosfera Val Müstair».

Autur: fmr/fa


Noch keine Kommentare

1000/1000
  • Fisio
  • Via Maistra 4, 7512 Champfèr
  • Schreinerei
  • Pontresina Wochentipp
  • Die Gemeinde Pontresina sucht zum Stellenantritt nach Vereinbarung
  • Kino
  • Wir suchen zum Eintritt nach Vereinbarung
  • Nachtarbeiten
  • Engadin. Diese Berge, diese Seen, dieses Licht.
  • Engadiner Kammermusiktage,
  • Golf4 ll