Ultra da Cremona, Berlin, Vienna ed eir Gersau, Segl e Lugano tocca eir Scuol pro’ls lös, ingio chi vain giodü minch’on la festa da Stradivari. Il special pro’ls concerts da quist quartet es, cha las audituras ed audituors han davo ils concerts la pussibiltà da discuorrer ün pêr pleds cullas musicistas e musicists. Ils concerts, adüna a las 17.00, sun in gövgia, ils 20 october, illa baselgia da Guarda. In venderdi, ils 21 october es il concert illa baselgia da Scuol ed als 22 october i’l Chastè da Tarasp. Causa cha quel concert es fingià vendü oura dà il StradivariQuartett ün ulteriur concert fingià a las 15.00. (cdm/fmr)