Il Cor Viril Engiadina Bassa ha fat part i’ls ultims ons a quel di special sün diversas alps da la regiun e festagià l’evenimaint cun chant e cun star da cumpagnia. In dumengia passada ha gnü lö la festa a chaschun da las masüras culla Chapella Blazenka, culs Cornists da Scuol e cul Cor viril Engiadina Bassa sün l’Alp Astras-Tamangur in S-charl sper Scuol.

Sco cha Peder Rauch, el d’eira da la partida quel di cul cor viril, ha dit, es statta la festa bain visitada ed ha pudü gnir festagiada pro bell’ora. Cun quai cha la via davent da S-charl ill’alp nun es uschè buna sun divers its a pè obain cul velo fin sün l’alp. (fmr/bcs)