Visita illa scoula da la Val Müstair (da schnestra): Aldo Rodigari, David Spinnler, Aita Stupan, cusglier guvernativ Jon Domenic Parolini, Gabriella Binkert, Chantal Marti-Müller, Thomas Brülisauer, Curdin Lansel (fotografia: mad).

Visita illa scoula da la Val Müstair (da schnestra): Aldo Rodigari, David Spinnler, Aita Stupan, cusglier guvernativ Jon Domenic Parolini, Gabriella Binkert, Chantal Marti-Müller, Thomas Brülisauer, Curdin Lansel (fotografia: mad).

Visita in scoula da la Val Müstair

Co as dess profilar üna scoula populara perifera? Che pussibiltats daja per ch’üna pitschna scoula rumantscha possa dvantar attractiva? Cun che sfidas viva üna scoula al cunfin? Quai sun stats temas chi sun gnüts discus in venderdi d’üna delegaziun dal departamaint e dal cumün da la Val Müstair.

Il cusglier guvernativ, Jon Domenic Parolini e la manadra da l’uffizi per la scoula populara ed il sport, Chantal Marti-Müller, accumpagnats dal manader da l’inspectorat districtual, Curdin Lansel, as han vuglü far ün purtret dal minchadi in üna scoula populara perifera rumantscha. Apaina rivats in Val suna gnüts retschevüts d’üna brajada uffants in scoulina a Valchava. Davo ulteriuras visitas ill’instrucziun in differentas classas primaras a Müstair e sül s-chalin sec I a Sta. Maria han las visitas surgnü üna survista sur da l’organisaziun da la scoula. La presidenta cumünala, Gabriella Binkert e’ls rappreschantants dal cussagl da scoula, Aldo Rodigari e David Spinnler, insembel culs mainascoulas Aita Stupan e Thomas Brülisauer han pudü tematisar diversas intenziuns in ün barat ourdvart constructiv. Cumüns e scoulas a la periferia han d’imprender a viver cun differentas sfidas. Co transfuormar difficultats in abiltats, quai es l’art da mincha minorità. Cullas visitas in scoula e cun l’inscunter cullas instanzas cumünalas ha il departamaint d’educaziun muossà interess per situaziuns da sfida, cha la scoula nu vain laschada suletta culs pissers e respet per la lavur prestada minchadi a favur dals uffants. (cdm/pl)


Noch keine Kommentare